မီးကိုတိုးတဲ့ ပိုးဖလံ
ခွေးကလေးခုန်လို့
ဖုန်မထပါဘူး.ငါ့ညီ။
ကမ္ဘာကြီးကပြားနေတယ်ဆိုပြီး
လူ့လောက လက်တွေ့ဘ၀ထဲကို
အမျိုးသားရေးကြွေးကြော်သံတွေနဲ့
မင်းဝင်ဘို့အချိန်မတန်သေးဘူး။
ဖားမှန်ရင် အဖတ်မစားဘူး
ခြင်္သေ့မှန်ရင် မြက်မစားဘူးတဲ့ ငါ့ညီ။
အဲဒီတော့
လူ့လောက လက်တွေ့ကျကျဘ၀ထဲကို
မင်းတိုးဝင်လာခဲ့ပြီးမှတော့
အသားညှပ်ပေါင်မုန့်တချပ်အတွက်
လျှော်ဈေးပေါင်မုန့်တွေနဲ့ ရျန်းကန်နေရဆဲ
မင်းရဲ့ဘ၀ကို မင်းမေ့ဘို့ အချိန်မတန်သေးဘူး။
မြစ်မှန်ရင် မြင့်ရာမှနိမ့်ရာသို့စီးဆင်းကြရစမြဲ
လူမှန်ရင် စည်းနှစ်ဖက်ရဲ့အကြားမရပ်သင့်ဘူးလို့
ဆိုကြပြန်သတဲ့ ငါ့ညီ။
ဒီတော့ကာ
မင်းဟာ လူ့ပေါက်ပန်းမှမဖြစ်သေးတာ
အချိန်ရှိပါသေးတယ်။
ထောင်ကျမဲ့ အမျိုးသားရေးကိုမလုပ်ဘဲနဲ့
ထောင်ကြောက်တရားတွေဟောနေတဲ့
ထောင်နဲ့ဝေးရာတနေရာမှာ
ပရောဂျက်အမျိုးသားရေးလူတစုရဲ့စပျစ်ရေချိုစကားနောက်
မင်းလိုက်ဘို့အချိန် မတန်သေးဘူး။
လုံးပြီးဝိုင်းနေတဲ့ကမ္ဘာကြီးအား
ပြားနေတဲ့လို့ မင်းယုံကြည်လေအောင်
ပျားရေချိုချိုစကားလုံးလှလှတွေရဲ့နောက်က
မင်းအားချကျွေးလိုက်မဲ့ ထောင်ကြောက်အမျိုးသားလူတစုရဲ့
ထမင်းတဆုပ်ကိုမင်းသိဖို့ကောင်းတယ် ငါ့ညီ။
ပတ္တမြားမှန်ရင်နွံထဲ မနစ်ဘူးလို့မင်းယုံကြည်ရင်ဖြင့်.....
အပြစ်ကင်းသော အေးမြတဲ့အလင်းတန်းကို
ဆောင်ကြည်ပေးနေလေတဲ့ လပြည့်ဝန်းနှဘေးက ကြယ်လေးတပွင့်အဖြစ်
အပင်ပေါ်မှာလည်း ဝေကာမွှေး၍
မြေပေါ်ကြွေကာကျလည်း ရနံ့မပြယ်
လောကရဲ့အေးမြတဲ့မွှေးရနဲ့ကို
ဆောင်ကြည်ပေးနေလေတဲ့ ဇရပ်အိုနှဘေးက ခရေလေးတပွင့်အဖြစ်
ငါ့ညီစွမ်းဆောင်နိုင်ပါစေ။ ။
သာထွန်းမွန်
