သာမန် မဟုတ်တဲ့ အားထုတ်မှုတွေလိုတယ်တဲ့။ ဟုတ်တယ်ဗျာ။ ကွမ်တမ် leap နဲ့ ထခုန်ရမယ့် အချိန်။ ဆွဲအားတွေက လွတ်မြောက်နိုင်မယ့် အရှိန်မျိုးနဲ့ ကောင်းကင် ကို ရုတ်တရက် ပျံတက်ရမယ့် အချိန်။ ဒါပေမယ့် မဆီမဆိုင်ဗျာ။ ကျွန်တော့်စိတ်ထဲမှာ ဘာတွေ မြင်ယောင်လာသလဲ ဆိုတော့ ပရောဂျက် နိုင်ငံရေးသမားတွေ၊ နေရာရဖို့ ပဲအဓိကထားနေကြတဲ့ ကိုယ့်ကိုယ်ကို မျိုးချစ်ပုဂ္ဂိုလ်ဆိုပြီး ကြေငြာနေကြတဲ့သူတွေ၊ လူနာကို အချိန်ဆွဲပြီးကုနေတဲ့ ဆရာဝန်တွေ၊ ပိုက်ဆံပေးမှ မီးသတ်ပေးတဲ့ မီးသတ်သမားတွေ၊ နှစ်လုံးထီ ဒိုင်ကိုင် နေတဲ့ ရဲတွေ၊ အလုပ်မလုပ်လေလေ လုပ်ငန်းကြန့်ကြာလေလေ ဝင်ငွေဖြောင့်လေလေ ဖြစ်နေတဲ့ ရုံးဝန်ထမ်းတွေ၊ ကျောင်းသားတွေ ဆန္ဒပြလို့  ကျောင်းတွေ ပိတ်ရတာပါဆိုပြီး မကျေမချမ်းဖြစ်နေတဲ့ သူငယ်ချင်း တစ်ချို့ တွေ၊ အကြံအဖန် ဓာတ်ပုံ တွေလုပ်ပြီး Refugee Camp ထဲ သွားဖို့ ကြိုးစားနေကြ သူတွေ အဲလိုလူတွေကိုပဲ အလုံးအရင်းနဲ့ မြင်ယောင်လာတယ်။ မီးလာတုန်း ရေလုတင်ရင်း ရန်ဖြစ်နေကြတဲ့ အသံတွေ၊ ညညဆိုရင် နောက်ဖေးလမ်းကြားမှာ အမှိုက်ထုပ်တွေ တဘုတ်ဘုတ်နဲ့ ပစ်ချသံတွေကို ပြန်ပြီးကြားယောင်လာတယ်။
ဤအသိတရားစာသားအားဖော်ပြခွင့်ပေးခဲ့သော..facebook မိတ်ဆွေအားအထူးကျေးဇူးတင်လျှက်။
