စနစ်ဆိုးကြောင့်
ငါ့မိခင်ရဲ့ဘာသာစကား ငါ လွတ်လွတ်လပ်လပ်...ပြောခွင့် မရခဲ့။ စနစ်ဆိုးကြောင့် ငါ့မိခင်ရဲ့စာပေ ငါ လွတ်လွတ်လပ်လပ်...သင်ကြားခွင့် မရခဲ့။ စနစ်ဆိုးကြောင့် ငါ့မိခင်ရဲ့ယဉ်ကျေးမှု ငါ လွတ်လွတ်လပ်လပ်...ဖော်ထုတ်ခွင့် မရခဲ့။ စနစ်ဆိုးကြောင့် အမေ့အိမ်ကို ငါ…စွန့်ခဲ့ရတယ်။ ဒီလိုနဲ့………. စနစ်ဆိုးရဲ့ဖန်တီးမှုကြောင့် စနစ်ဆိုးရဲ့သားကောင်တို့ ဆုံဆည်းရာ တစ်နေရာမှာတော့ ငါ့မိခင်ရဲ့…ဘာသာစကား ငါ့မိခင်ရဲ့..စာပေ ငါ့မိခင်ရဲ့…ယဉ်ကျေးမှု နောက်ဆုံးမှာတော့ ငါ့ရဲ့ရိုးသားမှုကိုပါ စနစ်ဆိုးရဲ့..မြေခွေးတသိုက်က ဖျက်ဆီးနေကြပါလား။ | |
Monday, March 19, 2012
စနစ်ဆိုးရဲ့မြေခွေးများ
Sunday, March 18, 2012
ဥပါယ်
်
သတင်းစာသည်ကမ္ဘာ့၏ပြတင်းပေါက်”ဟူ၍ လက်ခံအသိမှတ်ပြုခဲ့မိသည့်အချိန်ကစ၍ ကျနော်ဟာလက်လှမ်းမှီခဲ့သမျှ စာအုပ်တွေ၊ သတင်းစာတွေကို အချိန်ရတိုင်းဖတ်ဖြစ်ခဲ့ပါတယ်။ စာအုပ်သည် ကျနော့်ဘ၀၏ အကောင်းဆုံးမိတ်ဆွေ ဆိုရင်လည်း မမှားပါ။ တခါတရံပျင်းရိစရာတွေ၊ စိတ်ပျက်စရာတွေနဲ့ ကြုံလာခဲ့သည်ဖြစ်ဖြစ်၊ ၀မ်းနည်းစရာတွေနဲ့ကြုံ လာရသည်ဖြစ်ဖြစ်၊ ကျနော်ဟာသိမ်းထားခဲ့သမျှ စာအုပ်အဟောင်းတွေထဲက နှစ်သက်ရာစာအုပ်တွေကို ပြန်ဖတ်ဖြစ်မိ ပါတယ်။ အွန်လိုင်းသတင်းစာတွေကိုတော့ နေ့တိုင်းဖတ်ဖြစ်ပါတယ်။
စ၍ဖတ်မိသည့်အချိန်ကစပြီး ယနေ့တိုင် ကျနော့်ရင်မှာ စွဲစွဲမြဲမြဲ၊ အကြိမ်ကြိမ်အခါခါ၊ ပြန်ဖတ်ဖြစ်နေတဲ့ စာအုပ်ကောင်းတစ်အုပ် ကတော့ မွန်အမျိုးသားသမိုင်းပညာရှင် ဒေါက်တာနိုင်ပန်းလှ၏ “ရာဇာဓိရာဇ်အရေးတော်ပုံကျမ်း” ပဲဖြစ်ပါတယ်။ ဒီစာ အုပ်ဟာ မွန်ဗမာဆက်ဆံရေးသမိုင်း အဖြစ်အပျက်အမှန်ကို လေ့လာချင်သူတို့အတွက် အလွန်တန်ဖိုးရှိလှတဲ့စာအုပ် တစ်အုပ်ပါပဲ။
ရေမြေကိုအစိုးရတဲ့ သက်ဦးဆံပိုင်ဘုရင်ဖြစ်လင့်ကစား တိုင်းပြည်အရေးကို ရှေ့ရှုကာ တာဝန်ကိုကျေပွန်စွာ ထမ်းဆောင် မဲ့..သူရဲကောင်းအတွက်မိမိ၏..မိဖုရားကိုပင် ရက်ရောစွာ စွန့်ကြဲခဲပြီး ..လက်အောက်အမှုထမ်း သူရဲကောင်းကို..အလေး ထား..ချီးမြှောက်တဲ့ မွန်ဘုရင်ရာဇာဓိရာဇ်ရဲ့ ..စိတ်နေသဘောထားတွေကို.. လေ့လာဖတ်ရှုခဲ့ရသလို၊..ရိက္ခာပြတ်လပ်၍ အင်းဝနေပြည်တော်ဆီ..တပ်ပြန်ဆုတ်ရာတွင် မွန်တပ်တွေအပြင်း လိုက်လံတိုက်ခိုက်မှုကြောင့် တကွဲတပြား တောလမ်း တနေရာမှာ ကျန်နေရစ်တဲ့ မိမိ၏တောင်နန်းစံမိဖုရားကို သစ္စာရှိစွာ မိမိရှေ့မှောက်အရောက် ဘေးမသီရန်မခစေပဲ ကာ ကွယ်စောင့်ရှောက်ခဲ့ပေမဲ့လည်း သံသယချစ်စိတ်တွေနဲ့ မိမိ၏အမှုထမ်းကောင်း ဆင်ကဲကိုကွပ်မျက်ခဲ့တဲ့ဘုရင်မင်းခေါင် ရဲ့ သက်ဦးဆံပိုင်ဘုရင်တို့၏ စိတ်နေသဘောထားကိုလည်း စိတ်ဝင်စားဖွယ် လေ့လာဖတ်ရှုရပါတယ်။
ဤ“ရာဇာဓိရာဇ်အရေးတော်ပုံကျမ်း ” စာအုပ်ကိုဖတ်ခဲ့ဖူးတဲ့သူတွေအားလုံးအတွက် သဘောအကျရဆုံး နဲ့အတုယူ အားအကျရဆုံး သူရဲကောင်းတွေကတော့ မွန်သူရဲကောင်းလဂွန်းအိန်၊ သမိန်ဗရမ်းနဲ့ ဘုရင်မင်းခေါင်၏သားတော်မင်းရဲ ကျော်စွာတို့ပဲ ဖြစ်ပါလိမ့်မည်။ မွန်ဘုရင်ရာဇာဓိရာဇ်၏ သူရဲကောင်းလဂွန်းအိန်နဲ့ ဘုရင်မင်းခေါင်၏သားတော်မင်းရဲကျော် စွာတို့ရဲ့ ရင်ဆိုင်တိုက်ခိုက်ကြပုံကလည်း စိတ်လှုပ်ရှားဖွယ်ကောင်းလှသလို သင်ခန်းစာယူဖွယ်လည်း ကောင်းလှပါ တယ်။
မင်းရဲကျော်စွာရဲ့ စစ်ရေးစစ်ရာကောက်ကျစ်စဉ်းလဲမှု၊ စစ်ရေးစစ်ရာဥပါယ်အောက်မှာ သူရဲကောင်းလဂွန်းအိန်ကျဆုံးခဲ့ ရပါတယ်။ တလည်းစီးတွင်စခန်းချနေသော မင်းရဲကျော်စွာသည် သမိန်ဗြာဇ္ဖလွန်သည်ကိုကြားရလျှင် ၀မ်းသာအားရစွာ ဖြင့် “ရာဇာဓိရာဇ်၏ ပတ္တမြားအစွယ်တချောင်းကျိုးလေပြီ၊ လဂွန်းအိန်သာကျန်တော့သည်၊ လဂွန်းအိန်ကို ငါဥပါယ်ပြု၍ အရယူမည်။ ရာဇာဓိရာဇ်ချီလာလျှင် လှေစီးချင်းသော်လည်းကောင်း၊ ဆင်စီးချင်းသော်လည်းကောင်း၊ မြင်းစီးချင်းသော် လည်းကောင်း၊ ဥပါယ်ဖြင့် တစ်ဦးချင်းစစ်ထိုးမည်ကို ငါစီစဉ်မည်။ လဂွန်းအိန်ထွက်တိုက်ပါက သူ့ကိုရအောင်ယူမည်”ဟု ကြံစည်တော်မူသည်။
တလည်းစီးတွင်တပ်ချ၍ အလွဲမြစ်ကမ်းနှစ်ဖက်လုံးတွင် တပ်ကိုဖြန့်ထားသည်။ သူ့ရဲ့ဥပါယ်အတိုင်း ကမ်းနှစ်ဖက်တွင် လှေဝှက်နိုင်ရန်ကျုံးမြောင်းငယ်များကို ဖောက်လုပ်စေသည်။ တိုက်လှေများကို သိုဝှက်ယုံသာပြုလုပ်စေသည်။ ယင်းသို့စီ စဉ်ပြီးနောက် ရာဇာဓိရာဇ်စစ်ချီလာမည်ကို စောင့်မျှော်လျှက်နေသည်။ ရိက္ခာပြတ်လပ်မှုကြောင့် ပြည်မြို့ကိုဝိုင်းရံနေတဲ့ သားတော်ဗညားပုသိမ်အားကူညီရန် ရာဇာဓိရာဇ်သည် လဂွန်းအိန်၊ သမိန်အ၀မင်းကြီး၊ သမိန်သံပြပ်တို့ကို ဗိုလ်မင်းခန့် ၍ ဟံသာဝတီမှသန်လျင် ဒလဒဂုန်တို့ကို ဖြတ်၍ရေလမ်းမှ ပြည်သို့ဆန်၏။ ဤသို့တလည်းဆီးတွင် ရာဇာဓိရာဇ်၏ တပ်စခန်းချနေသည်ဟု မင်းရဲကျော်စွာကြားလျှင်ကြားချင်းသူ၏ စစ်ဥပါယ်ကိုစတင် အကောင်ထည်ဖော်ပါတော့သည်။
“ယခု ဟံသာဝတီပြည့်ရှင်ဘကြီးတော် ဆိုက်ရောက်လာသည်မှာ စစ်သည်သူရဲသူခက်များလည်း ပင်ပန်းသဖြင့် အနား ယူကြပါစေဦး။ အနားယူပြီးပါက ကြည်းတပ်၊ ရေတပ် နှစ်ဖက်စလုံးဖြင့် ကျွန်ုပ်တို့နှစ်ဦးနှစ်ဖက် တိုက်ခိုက်ကြမည်။ကျွန်ုပ် တို့သည် စစ်သေနင်္ဂဗျုဟာ မခင်းကျင်းမီ အချည်းနှီးနေကြမည့်အစား ဟံသာဝတီဘက်မှ လှေစီးသူရဲတစ်ယောက်နှင့် အင်းဝဘက်မှ လှေစီးသူရဲတစ်ယောက်တို့ကို လှေတစ်ဆင်းစီဖြင့်တိုက်ခိုက်စေလိုသည်။ နှစ်ဖက်သောဧကရာဇ် မင်းများ ရှုစားရန်ဖြစ်ပါသည်။”ဟု မင်းရဲကျော်စွာသည် မိမိ၏အမှာစကားကို မင်းနတ်တော်မှတဆင့် ရာဇာဓိရာဇ်အားပါးလိုက်ပါ သည်။ မင်းရဲကျော်စွာ၏အမှာစကားကို ရာဇာဓိရာဇ်ကြားလျှင် ဦးခိုက်နေသော မှူးမတ်သေနာပတိများ၏ မျက်နှာတို့ကို ကြည့်တော်မူ၏။ မည်သူမျှဦးမမော်ဘဲ ရှိခိုးမြဲရှိခိုးနေကြ၏။ ထိုစဉ်လဂွန်းအိန်သည် ဦးသုံးကြိမ်ခိုက်ပြီးမှ……
“ ကျွန်ုပ်ယောက်ျားဖြစ်သည်မှ ဆင်းစီးချင်း၊ မြင်းစီးခြင်း၊ လှေစီးချင်း၊ တစ်ဦးချင်းစစ်ထိုးရန် သည်ဇမ္ဖူဒိပ်မြေပြင်ဝယ် မည်သူ့ကိုမျှ ကျွန်ုပ်မကြောက်၊ သူရဲကောင်းတစ်ဦးချင်းဖြစ်လျှင် ကျွန်ုပ်ထွက်၍တိုက်မည်ဖြစ်ကြောင်း ……….ရွှေနန်း သခင်၏သားတော်မင်းရဲကျော်စွာအား ပြန်ကြားတော်မူပါ” ဟုလျှောက်၏။ ………………ရာဇာဓိရာဇ်သည်လည်းအားရ တော်မူသည် ”
မွန်သူရဲကောင်းလဂွန်းအိန်နှင့် “ မနက်ဖြန်မိုးသောက်လျှင်လှေတစ်စီးချင်း နှစ်ဖက်သောသူရဲကောင်းများ တိုက်ပါစေ မည်ဟု” ရာဇာဓိရာဇ်၏ အမှာစကားကိုတမန်တော် မင်းနတ်တော်မှတဆင့် မင်းရဲကျော်စွာကြားလျှင်အားရ၀မ်းသာစွာဖြင့် “ဟံသာဝတီတွင် သမိန်ဗြာဇ္ဖနှင့် လဂွန်းအိန်တို့သည် သူ့ရှင်၏လက်ဝဲလက်ယာရံ သူရဲကောင်းနှစ်ဦးဖြစ်သည်။သမိန်ဗြာဇ္ဖ သေပြီ၊ လဂွန်းအိန်သာကြွင်းသည်။ လဂွန်းအိန်ကိုငါတို့ရပြီးလျှင် ငါ့လက်ချက်ကို မွန်တွေခံနိုင်မည်လော။ စစ်တို့မည် သည်နည်းသည်များမဟူ။ စီရင်မှု၌သာ ပဓာနဖြစ်သည်။ သူရဲကောင်း လဂွန်းအိန်သည် လှေတစီးချင်းသာသူနိုင်ပေမည်။ လှေလေးစီးကို သူနိုင်မည်လော” ………………..ဟူ၍မိမိ၏ စစ်ဥပါယ်ကို စီမံပါတော့၏။
မင်းရဲကျော်စွာသည် အံ့စရာလှေကို စုက္ကတေး၊ မြေးများဖွားလှေကို စည်သူ၊ သားများမိလှေကို ဥဇနာ၊ ရှမ်းမွန်လှေကို စတုရင်္ဂသူအား အသီးသီးစီးစေပြီး လှေလေးစီးစလုံးတွင် ဓားလှံချက်နာသူရဲချည်းစီးစေ၍ ဒိုင်း၊ လွှား၊ ဓား၊ လှံများကို ကိုင်ဆောင်စေသည်။ အံ့စရာလှေကိုထီးဖြူကနက္ကဒဏ်နှင့် ဗိတာန်မိုးစေလျှက် ထွက်စေသည်။ ကျန်လှေသုံးစီးကို အနောက်ဘက်ကမ်းတွင်ပြုလုပ်ထားသောမြောင်းအတွင်း၌ ပုန်းကွယ်လျှက်နေစေသည်။
ရာဇာဓိရာဇ်သည်လည်း သူရဲကောင်းလဂွန်းအိန်လှေချင်းစီးထိုးရန် မိကျောင်းရုပ်လှေနှင့်အတူ တိုက်ဖော်ရဲဘော်ရဲဘက် သူရဲကောင်း ၃၀၀ ကိုပေးစေသည်။ လဂွန်းအိန်သည် သေနာပတိအဆောင်ယောင်ဖြင့် ၀တ်ဆင်သည်။ ရွှေခါးစည်း၊ ရွှေစလွယ်၊ ရွှေလက်ကျပ်၊ ရာမနားတောင်း၊ လက်နှစ်ဖက်စလုံးတွင် ကျောက်စီသောလက်စွပ်၊ လက်ကောက်များကို ၀တ်ဆင်သည်။ အဆင်သင့်ဖြစ်သော် သူ့ရှင်ရာဇာဓိရာဇ်အားဦးခိုက်ပြီး လှေသို့ဆင်းကာ လှေစီးချင်းတိုက်ရန်ထွက်လေ ၏။ အင်းဝဘက်မှ စုက္ကတေးသည် အံ့စရာလှေဖြင့်ထွက်ခဲ့သည်။ ဟံသာဝတီဘက်မှ ဗညားလဂွန်းအိန်သည် မိကျောင်း ရုပ်လှေဖြင့် ထွက်ခဲ့သည်။ လှေနှစ်စင်းရင်ဆိုင်မိလျှင် ထိုးနှက်တိုက်ခိုက်ကြတော့သည်။
အံ့စရာလှေသည် မိကျောင်းလှေထက်နှစ်စမျှ မြင့်မားသဖြင့် လဂွန်းအိန်ဘက်မှထိုးခုတ်ရန်ခက်ခဲခဲ့သည်။ သို့ဖြစ်၍လဂွန်း အိန်သည် ကွင်းဆက်သံကြိုးကိုအံ့စရာလှေထက်သို့ ပစ်တင်၏။ လှေချင်းဆက်တွဲပြီးမှ ကူး၍ရန်သူအား တက်ခုတ်မည် ကြိုးစားစဉ် မင်းစည်သူဦးစီးတဲ့မြေးများဖွားလှေသည် ရုတ်တရက်ထွက်၍ကူတိုက်သည်။ ကုန်းထက်မှာလည်း အင်းဝ မြင်းတပ်နှစ်ထောင်မျှ လဂွန်းအိန်ကို လိုက်ကြသည်။ လဂွန်းအိန်သည် လှေတစ်စီးထဲဖြင့် စုက္ကတေနဲ့မင်းစည်သူတို့၏ လှေပေါ်ကအင်းဝသူရဲတွေကို ရွပ်ရွပ်ချွံချွံဦးစီးတိုက်ခိုက်မှုကြောင့် အင်းဝသူရဲတို့များစွာသေ ကြေပျက်စီးနေသည်ကိုမြင် နေရတဲ့ ဥဇနာနဲ့စတုရင်္ဂသူတို့ဦးစီးသော အခြားလှေနှစ်စီးသည် ပုန်းကွယ်နေရာမှ ရုတ်ချည်းထွက်လာကြသည်။
စုက္ကတေး၊ မင်းစည်သူ၊ ဥဇနာနဲ့စတုရင်္ဂတို့ဦးစီးတဲ့ပူးပေါင်းလှေလေးစီးသည် လဂွန်းအိန်ဦးစီးသော မိကျောင်းလှေတစ် စီးထဲကို အုံ၍ထိုးထိုးခုတ်ကြသည်။ သို့တိုင်အင်းဝသူရဲအမြောက်အမြားသေ၏။ လဂွန်းအိန်၏သူရဲ၃၀၀အနက် တစ်ရာ မျှရေထဲကျသည်။ လဂွန်းအိန်သည်စိတ်ဓါတ်မကျ ကျန်သမျှအင်အားဖြင့် အင်းဝသူရဲတို့အား အသေခံတိုက်ခိုက်သည်။ ခြေကုန်လက်ပန်းကျသော်လည်း လက်နက်မချ။ စစ်ကူရောက်မလာသောကြောင့် အင်းဝလှေလေးစီးမှများပြားလှသော သူရဲတို့၏၀ိုင်းဝန်းထိုးခုတ်မှု အောက်မှာ ပေါင်တွင်လှံချက်ထိ၍လဲကာအဖမ်းခံရတော့သည်။
ယင်းညသန်းခေါင်ယံအချိန်တွင် ဗညားလဂွန်းအိန်သည် ပေါင်ကလှံချက်ဒဏ်ရာဖြင့်မင်းရဲကျော်စွာ၏စစ်သုံ့ပန်းဘ၀ဖြင့် အနိစ္စရောက်လေသည်။ လဂွန်းအိန်သည် အနိစ္စမရောက်မီမိမိအား ဥပါယ်ဖြင့်အနိုင်ယူခဲ့သောမင်းရဲကျော်စွာအား နှလုံး ရည်ဖြင့်အနိုင်ယူနိုင်ခဲ့ပါတယ်။အနာသည်း၍ကွယ်လွန်လုနေချိန်တွင်မင်းရဲကျော်စွာမှ “ထမင်းစားမည်လောဟု ” မေး သည် ကို “အရှင်တယောက်၏ထမင်းကိုသာကျွန်ုပ် ၀မ်းသို့ဝင်စေမည်။ အရှင်နှစ်ယောက်တို့၏ထမင်းကို ကျွန်ုပ်ဝမ်းသို့ မသွင်းပါ ” ဟု လဂွန်းအိန်ဆိုလေသည်။ “ထမင်းမစားလျှင်ရေသောက်မည်လော ”ဟု မေးသောအခါ “ရေနဲ့ကွမ်းကိုသာ ပေးပါ ”ဟု လဂွန်းအိန်ဆိုသည်။ လဂွန်းအိန်သည်မင်းရဲကျော်စွာပေးသောရေနဲ့ကွမ်းကိုစားသောက်ပြီးလျှင် မင်းရဲကျော် စွာအား “ရွှေနန်းရှင်၏သားတော်ပေးသော ရေကိုသောက်ရပြီး ကွမ်းကိုလည်းစားရသည်။ ကျေးဇူးတော်ကိုတစ်ပွဲတစ် လမ်းမျှ ကျွန်ုပ်မဆပ်ခဲ့နိုင်တော့ပါ။ သို့သော်နောင်ရေးအတွက် အရှင့်သားတော်အကျိုးရှိစေဖို့ အရေးကိုမူကားကျွန်ုပ်နား
တော်လျှောက်ခဲ့ပါမည်။ မှတ်ယူတော်မူပါ။ ရွှေနန်းရှင်သားတော်မနာယူခဲ့သော် အမတ်သေနာပတိတို့ မှတ်သားနာယူကြ ပါကုန်။ နောင်ကိုသူ့ရှင်ရာဇာဓိရာဇ်နှင့် စစ်ထိုးလျှင် လှေစီးချင်း၊ မြင်းစီးချင်း၊ ခြေလျင်ချင်း မတွေ့ပါစေနှင့်။ သူ့ရှင်ရာဇာ ဓိရာဇ်သည် ဆင်စီးချင်း၊ မြင်းစီးချင်းတို့တွင် နည်းနည်းကောင်းသည်မဟုတ်၊ လက်ဝဲလက်ယာရံ ဆင်စီးသူရဲသုံးဆယ် သားတို့သည် သူစိမ်းတစ်ရံစာမဟုတ်။ ဆွေသားမျိုးသားချည်း။ ရန်သူကိုပမာမခန့်၊ ကြောက်ရွံ့မှုမရှိ၊ ဘီလူးသရဲတွေနဲ့ တူကြသည်။ လူနဲ့မတူကြ။ ကျွန်ုပ်လျှောက်သည်ကို မယုံသော်နောင်တွေ့ကြသောအခါမှ သိတော်မူမည်ဟု” သူ့ရှင် ရာဇာဓိရာဇ်၏ တန်ခိုးစွမ်းရည်ကို အင်းဝသားတို့ကြောက်ရွံ့အောင် နှလုံးရည်ဖြင့်သူရဲကောင်း လဂွန်းအိန်နားတော် လျှောက်လေသည်။
မင်းရဲကျော်စွာသည်လည်း လဂွန်းအိန်သည် သေလုနီးပါးလျက်ပင် သူ့သခင်အားငါတို့ကြောက်ရွံ့ အောင်အရေးစကား ကိုဆိုသေးသည် ဟုမိန့်တော်မူသည်။ ထို့ကြောင်မင်းရဲကျော်စွာ၏ ဥပါယ်ဖြင့် စီစဉ်ခဲ့သော လဂွန်းအိန်ဦးစီးသော ဟံသာဝတီသား တို့နဲ့စုက္ကတေး၊ မင်းစည်သူ၊ ဥဇနာ နဲ့စတုရင်္ဂတို့ဦးစီးသော အင်းဝသားတို့၏ ဤလှေစီးချင်းတိုက်ပွဲ၌ ဗညားလဂွန်းအိန်သည် လက်ရုံးရည်နှင့်နှလုံးရည်ပါ နိုင်ခဲ့ပါသည်။
သာထွန်းမွန်
Sunday, February 19, 2012
ရိုးသားခြင်း
သူငယ်ချင်း...
အေးမြတဲ့စမ်းရေရဲ့ ဖြည့်စည်းမှုကို
မင်းသိနေခဲ့မှတော့
ဖောင်စီးရင်း ရေငတ်ရတော့မယ်ဆိုရင်
တိမ်ဖုံးနေလေတဲ့ လပြည့်ညတစ်ညမှာ
ပုရစ်ရင်ကွဲတွေရဲ့အော်သံတွေနောက်
လိုက်ရှာနေတဲ့ လူတစ်ယောက်မင်းဖြစ်သွားမှာပေါ့။
သူငယ်ချင်း...
ငြိမ်းချမ်းတဲ့တောအိမ်ရဲ့ ဖြည့်ဆည်းမှုကို
မင်းခိုနားသိခဲ့ပြီးမှတော့
အနားယူအိပ်စက်ရင်း အိပ်မက်ဆိုးတွေမက်နေမယ်ဆိုရင်
မြို့ပြရဲ့ငြိမ်းချမ်းမှုလရောင်ကို
မာကြူရီမီးအလင်းတန်းတွေနဲ့
ပျော်မွေ့နေတဲ့ လူတစ်ယောက်မင်းဖြစ်သွားမှာပေါ့။
သူငယ်ချင်း....
တိမ်တိုက်တို့ရဲ့ သဘာဝ
လပြည့်ဝန်းတို့ရဲ့ သဘာဝတွေကို
မင်းသိနေခဲ့မှတော့
တိမ်ဖုံးးနေလေတဲ့ လပြည့်ဝန်းလိုမင်းဖြစ်သွားမှာ
ငါစိုးရိမ်နေတယ်။ ။
သာထွန်းမွန်
Thursday, January 5, 2012
ဆောင်းနှင်းတွေနဲ့အတူတူ မကြာမီကျရောက်တော့မည့် မွန်အမျိုးသားနေ့
ဆောင်းနှင်းတွေနဲ့အတူတူ မကြာမီကျရောက်တော့မည့် မွန်အမျိုးသားနေ့
ဖင်လန်နိုင်ငံရောက် မွန်အမျိုးသားများသည် သက္ကရာဇ်(2012) ဖေဖေါ်ဝါရီလ (8) ရက်နေ့၊ မွန်ပြက္ခဒိန်အားဖြင့် တပို့တွဲလပြည့်ကျော် (၁)ရက်နေ့တွင်ကျရောက်မည့်( ၆၅)ကြိမ်မြောက် မွန်အမျိုးသားနေ့အား အခြေအနေ၊ အချိန်အခါ၊ အကြောင်းအမျိုးမျိုးကြောင့် နှစ်ရက်နောက်ကျပြီးမှ သက္ကရာဇ်(2012) ဖေဖေါ်ဝါရီလ(11) ရက်စနေနေ့ တွင် မနက် ၉ နာရီမှ ညနေ ၅ နာရီအထိစည်စည်ကားကား အဆင်ပြေချောမွေ့စွာကျင်းပနိုင်ရန်
ဥက္ကဋ္ဌ နိုင်ယုမွန် အတွင်းရေးမှူး Helsinki မှရွေးချယ်ရန် အခမ်းနားမှူး မင်းမျိုးမင်း ၊ အခမ်းအနားပြင်ဆင်ရေး နိုင်ယုမွန်၊ နိုင်တလနွန်၊ သာထွန်းမွန် အခမ်းအနားဖြစ်မြောက်ရေးအစီအစဉ် နိုင်တလပွန်၊ နိုင်ထောဦးလ၀ီမာန် ဘဏ္ဍာ မင်းဝင်းမောင်(စာရင်းကိုင်)၊နိုင်နိယမမွန်(ငွေထိန်း) ယဉ်ကျေးမှု နိုင်ထောဦးလ၀ီမာန်(စက်ပိုင်းဆိုင်ရာ)၊မိချို(အက) ကြိုဆိုဧည့်ခံရေး ကိုနိုင် အစားအသောက်နှင့်အချက်အပြုတ် နိုင်ဗီထော၊ နိုင်နိယမမွန် ဆက်ဆံရေးနှင့်မီဒီယာ Ø ဖိတ်စာ မင်းမဟာမွန်
Ø သတင်း သာထွန်းမွန်
Ø ကမ်မရာ၊ဗီဒီယို နိုင်တလပွန်၊ နိုင်တလနွန်
အစရှိသည့် အထက်ပါဖင်လန်နိုင်ငံရောက် မွန်အမျိုးသားများဖြင့်(၆၅)ကြိမ်မြောက်မွန်အမျိုးသားနေ့ ကျင်းပရေး ကော်မတီကိုဖွဲ့စည်းနိုင်ခဲ့ပါသည်။
(၆၅) ကြိမ်မြောက် မွန်အမျိုးသားနေ့အခမ်းနားအား ဖင်လန်နိုင်ငံအလယ်ပိုင်းမြို့တော်ရူပါစကူးလား(Jyväskylä) မြို့၌ကျင်းပမည်ဖြစ်ရာ အခမ်းနားသို့ ဖင်လန်နိုင်ငံဒေသအသီးသီးက မွန်မျိုးချစ်လူငယ်၊ လူရွယ်၊ လူကြီးများ၊ မွန်ကလေးငယ်များ၊ ဖိတ်ကြားထားသော ဖင်လန်နိုင်ငံရောက်မြန်မာတိုင်းရင်းသားများအပါအ၀င် မွန်အမျိုးသားနေ့ အားစိတ်ပါဝင်စားမည့် ဒေသခံဖင်လန်လူမျိုးများတက်ရောက်ကြမည်ဖြစ်ပါသည်။
တပို့တွဲလပြည့်ကျော်(၁)ရက်နေ့ကို မွန်အမျိုးသားနေ့အဖြစ်သတ်မှတ်ခဲ့ရသည့် အကြောင်းရင်းကား သာသနာသက္က ရာဇ် ၁၁၁၆ခုနှစ်၊ တပို့တွဲလပြည့်ကျော်(၁)ရက်နေ့တွင် သမလ၊ ၀ိမလ မွန်မင်းညီနောင်နှစ်ပါးတို့သည် ဟံသာနေပြည်တော်ခေါ် ပဲခူးမြို့ကို စတင်တည်ထောင်၍ ထီးနန်းကိုအုပ်ချုပ်ခဲ့သောနေ့ ပင်ဖြစ်သည်။
ယင်းသမိုင်းအကြောင်းကို အထောက်အထားပြု၍ တပို့တွဲလပြည့်ကျော်(၁)ရက်နေ့ကို မွန်အမျိုးသားနေ့အဖြစ် စတင်သတ်မှတ်ကျင်းပလာခဲ့ကြရာ ယခုတိုင်(၆၅)ကြိမ်မြောက်ရောက်ခဲ့လေပြီ။ ဖင်လန်နိုင်ငံ၌မူမွန်အမျိုးသားနေ့အားနှစ်စဉ်ကျင်းပလာခဲ့ရာ ယခုဆိုရင်(၁၂)ကြိမ်မြောက်ပြည့်တော့မည်။
Friday, December 16, 2011
ကျနော် ဖတ်ဖြစ်ခဲ့သော စာအုပ်လေးတအုပ်
စာအုပ်သည် အားလပ်ရက်အတွက် အကောင်းဆုံးမိတ်ဆွေဟု ကျနော် လက်ခံမိသည့် အချိန်မှစ၍ အချိန်ရတိုင်း တွေ့ရာ ဗဟုသုတ ဖြစ်စေသော စာအုပ်များ၊ သမိုင်းအချက်အလက် စာအုပ်များကို အွန်လိုင်းပေါ်မှသော်လည်းကောင်း၊ သိမ်းထားတဲ့ စာအုပ်စင်ထဲက သော်လည်းကောင်း အမြဲဖတ်ဖြစ်ပါတယ်။ အထူးသဖြင့် မွန်အမျိုးသားတို့၏ ရိုးရာဓလေ့၊ ခေတ်အဆက်ဆက် ၀တ်စားဆင်ယဉ်ပုံ၊ သမိုင်းအဖြစ်အပျက်နဲ့ သက်ဆိုင်သော စာအုပ်များကို ရှာဖွေဖတ်ရှုလေ့ ရှိပါတယ်။
မွန်ခမာအုပ်စုဝင် မွန်အမျိုးသားများသည် လွန်ခဲ့သော သမိုင်းမတင်မီခေတ် နှစ်ပေါင်းထောင်ပေါင်းများစွာက တရုတ်ပြည် ယန်စီကျန်မြစ်ဝှမ်းမှ (YANGTZEKIANG) မှ တောင်ဘက်သို့ တဖြည်းဖြည်း ဆက်သက်လာကြသည်ဟု “မွန်မျိုးသားတို့၏ နောက်ခံသမိုင်း” စာအုပ်မှ သိရှိခဲ့ရပါတယ်။ ဤစာအုပ်ထဲတွင် ထုတ်ဝေသည့် အဖွဲ့အစည်း၊ ခုနှစ်သက္ကရာဇ်၊ အုပ်ရေပေါင်း အရေအတွက် မပါရှိသော်လည်း သမိုင်းမတင်မီခေတ်မှ ဗိုလ်ချုပ်ကြီးနေ၀င်း အာဏာသိမ်းတဲ့ ၁၉၆၂ ခု၊ မတ်လ ၂ ရက်နေ့အထိ ခေတ်အဆက်ဆက် မွန်လူမျိုးတို့၏ ဘာသာ၊ စာပေ၊ ယဉ်ကျေးမှု အကြောင်းအရာကို စုံလင်စွာ လေ့လာခွင့် ရရှိခဲ့ပါတယ်။
ဤ မွန်အမျိုးသားတို့၏ နောက်ခံသမိုင်း စာအုပ်ထဲက ကျနော် အထူးဗဟုသုတ ရရှိစေခဲ့သော အကြောင်းအရာ တခုကတော့ မွန်အမျိုးသားနေ့ ဖြစ်ပေါ်လာပုံ အကြောင်းရင်းပါပဲ။ မွန်အမျိုးသားနေ့ ဖြစ်ပေါ်လာပုံ အကြောင်းရင်းကို အမျိုးသားချစ်စိတ် ရှိနေသူ မွန်အမျိုးသားတိုင်း၊ မွန်ကလေးငယ်တိုင်း အစမှအဆုံး၊ အခြေခံကအစ သိရှိနှင့်ပြီ ဖြစ်သော်လည်း မွန်အမျိုးသားနေ့ ဖြစ်ပေါ်လာပုံအား မေးလာသူ သမီးလေးနဲ့ ပြည်ပမှာ မြန်မာပြည် ဒီမိုကရေစီအရေးအတွက် ရုန်းကန်လှုပ်ရှားနေတဲ့ မိတ်ဆွေတယောက်အတွက် အမှန်အတိုင်း ပြောပြခွင့်ရခဲ့တဲ့အတွက် ဤစာအုပ် ရေးသားသူအား အထူးကျေးဇူးတင်မိပါတယ်။
ဤမွန်အမျိုးသားတို့၏ နောက်ခံသမိုင်း စာအုပ်ထဲက ဗမာပြည် လွတ်လပ်ရေး ရပြီးနောက် မွန်နဲ့ဗမာ ဆက်ဆံရေး၊ ကရင်နဲ့မွန် ဆက်ဆံရေးနဲ့ ဗမာနဲ့ကရင် ဆက်ဆံရေး အကြောင်းအရာများအား ပြီးပြည့်စုံလောက်အောင် လေ့လာခွင့် မရရှိခဲ့သော်ငြားလည်း အထိုက်အလျှောက် လေ့လာခွင့်တော့ ရရှိခဲ့ပါတယ်။
ကရင်တမျိုးသားလုံးရဲ့ အာဇာနည် သူရဲကောင်း၊ ဗမာအပါအ၀င် အဖိနှိပ်ခံ တိုင်းရင်းသားအားလုံးတို့၏ စံပြတော်လှန်ရေးခေါင်းဆောင် စောဘဦးကြီး၏ အမျိူးသားရေးချစ်စိတ်၊ အမြော်အမြင်ကြီးမှု၊ ကိုယ်ကျိုးစွန့်မှုတို့အား အတုယူဖွယ် ကောင်းလှသလို၊ သစ္စာဖောက် ကရင်လက်ကိုင် လူတစုရဲ့ မိုက်မဲမှုကြောင့် ၁၉၅၀ ခုနှစ်၊ သြဂုတ်လ ၁၂ ရက်နေ့တွင် ဗိုလ်စိန်လွင် (နောင်သောအခါ ၁၉၈၈ လူထုအုံကြွမှုကြောင့် ကမ္ဘာ့သက်တမ်းအတိုဆုံး သမ္မတမှတ်တမ်းဝင်သွားသူ) ၏ လက်ချက်ကြောင့် သူရဲကောင်းပီသစွာ ရေတိမ်မှာ နစ်ခဲ့ရသော စောဘဦးကြီး၏ အဖြစ်ကလည်း သံဝေဂရဖွယ် ကောင်းလှပါတယ်။
ထို့အတူ ဤစာအုပ်၏ မှတ်တမ်းအရ ဗမာတွေ အချင်းချင်းကြား အကွဲအပြဲ ဇာတ်လမ်းထဲမှာ အလိမ်ခံရသူ မွန်လူမျိုးတွေရဲ့ သမိုင်းဖြစ်ရပ်မှန်ကလည်း အထင်အရှားပါပဲ။ ဗမာအမျိုးသား နိုင်ငံရေး သန့်ရှင်းဖဆပလခေါင်းဆောင် ဦးနုရဲ့ လက်နက်နဲ့ ငြိမ်းချမ်းရေး အစီအစဉ်အရ….(၁၉၅၈) ခုနှစ်၊ ဇူလိုင်လ (၁၂) ရက်နေ့ ပငစစ်မျက်နှာတွင် စတင်အကောင်အထည်ဖော်ခဲ့ရာမှ မွန်ပြည်သူ့တပ်ဦးခေါင်းဆောင် နိုင်အောင်ထွန်း ဦးဆောင်၍ မွန်ပြည်သူ့တပ်ဦး တပ်သား (၁၀၀၀) ကျော် လက်နက်အပ်နှံခဲ့ရပါတယ်။
ထိုနောက်ပါလီမန် ဒီမိုကရေစီ တိုက်ပွဲအသွင်သို့ မွန်ပြည်သူ့တပ်ဦး ပြောင်းလာပြီးနောက် မွန်ပြည်သူ့တပ်ဦး၏ သေနင်္ဂဗျုဟာ ဖြစ်သော မွန်အမျိုးသား လွတ်မြောက်ရေးအတွက် အခြေခံမှ အဆင့်ဆင့် ကြိုးပမ်းခဲ့သော်လည်း ၀န်ကြီးချုပ် ဦးနု ဦးဆောင်သည့် ဖဆပလ အစိုးရ၏ နိုင်ငံရေး၊ အထူးသဖြင့် ယဉ်ကျေးမှု စစ်မျက်နှာအောက်တွင် ဆုံးရှုံးခဲ့ရပါတယ်။
ဤသို့ဖြင့် နိုင်အောင်ထွန်း အပါအ၀င် မွန်အမျိုးသားများသည် ဦးနုအစိုးရလက်ထက်တွင် မွန်ပြည်နယ် ဖော်ထုတ်ရေးကို ဆောင်ရွက်နေစဉ် ၁၉၆၂ ခုနှစ်၊ မတ်လ (၂) ရက်နေ့တွင် စစ်ဦးစီးချုပ် ဗိုလ်ချုပ်ကြီးနေ၀င်းက တိုင်းပြည်အာဏာကို သိမ်းပိုက်ပြီး ပထစ ၀န်ကြီးများအား ဖမ်းဆီးရာတွင် နိုင်အောင်ထွန်းလည်း အဖမ်းခံခဲ့ရသည်။
အဖမ်းဆီးခံရပြီးနောက် ပုံပြင်ဆန်ဆန် လုပ်ကြံခံခဲ့ရသည်ဟု ကျနော် ငယ်စဉ်အခါက တဆင့်စကားအရ ကြားသိခဲ့ရပါတယ်။ မည်သို့ပင် ဖြစ်စေ (၁၉၅၈) ခုနှစ် မွန်ပြည်သူ့တပ်ဦးရဲ့ လက်နက်နဲ့ ငြိမ်းချမ်းရေး လဲလှယ်တဲ့ ကိစ္စနဲ့ ပတ်သက်၍ ယနေ့တိုင် မွန်တမျိုးသားလုံးကြားတွင် ရေပန်းစားနေသော စကားလုံးတွေကတော့ “တခါအလိမ်ခံရတုန်းက သူ့ကို အပြစ်ပုံချလို့ ရပေမယ့်၊ ထပ်ပြီး နှစ်ခါအလိမ်ခံရရင် သူ့အပြစ် မဟုတ်ဘဲ ကိုယ့်အပြစ်လို့သာ ပုံချပါတော့” တဲ့။ ။
--------------------------------------------------------------------------------
မွန်ခမာအုပ်စုဝင် မွန်အမျိုးသားများသည် လွန်ခဲ့သော သမိုင်းမတင်မီခေတ် နှစ်ပေါင်းထောင်ပေါင်းများစွာက တရုတ်ပြည် ယန်စီကျန်မြစ်ဝှမ်းမှ (YANGTZEKIANG) မှ တောင်ဘက်သို့ တဖြည်းဖြည်း ဆက်သက်လာကြသည်ဟု “မွန်မျိုးသားတို့၏ နောက်ခံသမိုင်း” စာအုပ်မှ သိရှိခဲ့ရပါတယ်။ ဤစာအုပ်ထဲတွင် ထုတ်ဝေသည့် အဖွဲ့အစည်း၊ ခုနှစ်သက္ကရာဇ်၊ အုပ်ရေပေါင်း အရေအတွက် မပါရှိသော်လည်း သမိုင်းမတင်မီခေတ်မှ ဗိုလ်ချုပ်ကြီးနေ၀င်း အာဏာသိမ်းတဲ့ ၁၉၆၂ ခု၊ မတ်လ ၂ ရက်နေ့အထိ ခေတ်အဆက်ဆက် မွန်လူမျိုးတို့၏ ဘာသာ၊ စာပေ၊ ယဉ်ကျေးမှု အကြောင်းအရာကို စုံလင်စွာ လေ့လာခွင့် ရရှိခဲ့ပါတယ်။
ဤ မွန်အမျိုးသားတို့၏ နောက်ခံသမိုင်း စာအုပ်ထဲက ကျနော် အထူးဗဟုသုတ ရရှိစေခဲ့သော အကြောင်းအရာ တခုကတော့ မွန်အမျိုးသားနေ့ ဖြစ်ပေါ်လာပုံ အကြောင်းရင်းပါပဲ။ မွန်အမျိုးသားနေ့ ဖြစ်ပေါ်လာပုံ အကြောင်းရင်းကို အမျိုးသားချစ်စိတ် ရှိနေသူ မွန်အမျိုးသားတိုင်း၊ မွန်ကလေးငယ်တိုင်း အစမှအဆုံး၊ အခြေခံကအစ သိရှိနှင့်ပြီ ဖြစ်သော်လည်း မွန်အမျိုးသားနေ့ ဖြစ်ပေါ်လာပုံအား မေးလာသူ သမီးလေးနဲ့ ပြည်ပမှာ မြန်မာပြည် ဒီမိုကရေစီအရေးအတွက် ရုန်းကန်လှုပ်ရှားနေတဲ့ မိတ်ဆွေတယောက်အတွက် အမှန်အတိုင်း ပြောပြခွင့်ရခဲ့တဲ့အတွက် ဤစာအုပ် ရေးသားသူအား အထူးကျေးဇူးတင်မိပါတယ်။
ဤမွန်အမျိုးသားတို့၏ နောက်ခံသမိုင်း စာအုပ်ထဲက ဗမာပြည် လွတ်လပ်ရေး ရပြီးနောက် မွန်နဲ့ဗမာ ဆက်ဆံရေး၊ ကရင်နဲ့မွန် ဆက်ဆံရေးနဲ့ ဗမာနဲ့ကရင် ဆက်ဆံရေး အကြောင်းအရာများအား ပြီးပြည့်စုံလောက်အောင် လေ့လာခွင့် မရရှိခဲ့သော်ငြားလည်း အထိုက်အလျှောက် လေ့လာခွင့်တော့ ရရှိခဲ့ပါတယ်။
ကရင်တမျိုးသားလုံးရဲ့ အာဇာနည် သူရဲကောင်း၊ ဗမာအပါအ၀င် အဖိနှိပ်ခံ တိုင်းရင်းသားအားလုံးတို့၏ စံပြတော်လှန်ရေးခေါင်းဆောင် စောဘဦးကြီး၏ အမျိူးသားရေးချစ်စိတ်၊ အမြော်အမြင်ကြီးမှု၊ ကိုယ်ကျိုးစွန့်မှုတို့အား အတုယူဖွယ် ကောင်းလှသလို၊ သစ္စာဖောက် ကရင်လက်ကိုင် လူတစုရဲ့ မိုက်မဲမှုကြောင့် ၁၉၅၀ ခုနှစ်၊ သြဂုတ်လ ၁၂ ရက်နေ့တွင် ဗိုလ်စိန်လွင် (နောင်သောအခါ ၁၉၈၈ လူထုအုံကြွမှုကြောင့် ကမ္ဘာ့သက်တမ်းအတိုဆုံး သမ္မတမှတ်တမ်းဝင်သွားသူ) ၏ လက်ချက်ကြောင့် သူရဲကောင်းပီသစွာ ရေတိမ်မှာ နစ်ခဲ့ရသော စောဘဦးကြီး၏ အဖြစ်ကလည်း သံဝေဂရဖွယ် ကောင်းလှပါတယ်။
ထို့အတူ ဤစာအုပ်၏ မှတ်တမ်းအရ ဗမာတွေ အချင်းချင်းကြား အကွဲအပြဲ ဇာတ်လမ်းထဲမှာ အလိမ်ခံရသူ မွန်လူမျိုးတွေရဲ့ သမိုင်းဖြစ်ရပ်မှန်ကလည်း အထင်အရှားပါပဲ။ ဗမာအမျိုးသား နိုင်ငံရေး သန့်ရှင်းဖဆပလခေါင်းဆောင် ဦးနုရဲ့ လက်နက်နဲ့ ငြိမ်းချမ်းရေး အစီအစဉ်အရ….(၁၉၅၈) ခုနှစ်၊ ဇူလိုင်လ (၁၂) ရက်နေ့ ပငစစ်မျက်နှာတွင် စတင်အကောင်အထည်ဖော်ခဲ့ရာမှ မွန်ပြည်သူ့တပ်ဦးခေါင်းဆောင် နိုင်အောင်ထွန်း ဦးဆောင်၍ မွန်ပြည်သူ့တပ်ဦး တပ်သား (၁၀၀၀) ကျော် လက်နက်အပ်နှံခဲ့ရပါတယ်။
ထိုနောက်ပါလီမန် ဒီမိုကရေစီ တိုက်ပွဲအသွင်သို့ မွန်ပြည်သူ့တပ်ဦး ပြောင်းလာပြီးနောက် မွန်ပြည်သူ့တပ်ဦး၏ သေနင်္ဂဗျုဟာ ဖြစ်သော မွန်အမျိုးသား လွတ်မြောက်ရေးအတွက် အခြေခံမှ အဆင့်ဆင့် ကြိုးပမ်းခဲ့သော်လည်း ၀န်ကြီးချုပ် ဦးနု ဦးဆောင်သည့် ဖဆပလ အစိုးရ၏ နိုင်ငံရေး၊ အထူးသဖြင့် ယဉ်ကျေးမှု စစ်မျက်နှာအောက်တွင် ဆုံးရှုံးခဲ့ရပါတယ်။
ဤသို့ဖြင့် နိုင်အောင်ထွန်း အပါအ၀င် မွန်အမျိုးသားများသည် ဦးနုအစိုးရလက်ထက်တွင် မွန်ပြည်နယ် ဖော်ထုတ်ရေးကို ဆောင်ရွက်နေစဉ် ၁၉၆၂ ခုနှစ်၊ မတ်လ (၂) ရက်နေ့တွင် စစ်ဦးစီးချုပ် ဗိုလ်ချုပ်ကြီးနေ၀င်းက တိုင်းပြည်အာဏာကို သိမ်းပိုက်ပြီး ပထစ ၀န်ကြီးများအား ဖမ်းဆီးရာတွင် နိုင်အောင်ထွန်းလည်း အဖမ်းခံခဲ့ရသည်။
အဖမ်းဆီးခံရပြီးနောက် ပုံပြင်ဆန်ဆန် လုပ်ကြံခံခဲ့ရသည်ဟု ကျနော် ငယ်စဉ်အခါက တဆင့်စကားအရ ကြားသိခဲ့ရပါတယ်။ မည်သို့ပင် ဖြစ်စေ (၁၉၅၈) ခုနှစ် မွန်ပြည်သူ့တပ်ဦးရဲ့ လက်နက်နဲ့ ငြိမ်းချမ်းရေး လဲလှယ်တဲ့ ကိစ္စနဲ့ ပတ်သက်၍ ယနေ့တိုင် မွန်တမျိုးသားလုံးကြားတွင် ရေပန်းစားနေသော စကားလုံးတွေကတော့ “တခါအလိမ်ခံရတုန်းက သူ့ကို အပြစ်ပုံချလို့ ရပေမယ့်၊ ထပ်ပြီး နှစ်ခါအလိမ်ခံရရင် သူ့အပြစ် မဟုတ်ဘဲ ကိုယ့်အပြစ်လို့သာ ပုံချပါတော့” တဲ့။ ။
--------------------------------------------------------------------------------
Saturday, December 10, 2011
အိမ်ပြန်ချိန်(၃)
သြော်…
အရိုးပေါ်အရေတင် သေသပ်ဆံဖြူ
ရိုးရှင်းတဲ့ နှလုံးသားတွေနဲ့
အဝေးရောက်သားနဲ့ကျမ ပြန်လည်ကာ
ဆုံဆည်းချင်လှပါပြီးလို့….ဘုရားစင်ရဲ့ရှေ့
အမေ နေ့စဉ်ဆုတောင်းနေတာ
သားသိပါတယ်အမေ။
အမေ…ကျနော်ဟာ
အိမ်ပြန်ချိန်ကိုတောင် မသိသေးတဲ့
အဝေးရောက်သားမှမဖြစ်သေးတာ
အမေ့ရဲ့နှလုံးသားနဲ့ အနီးကပ်ဆုံးတနေရာမှာရှိနေခဲ့တဲ့
ခုလဲရှိနေဆဲ နောင်လဲရှိနေမယ့်
အမေ့ရဲ့ အဝေးရောက်သားဟာ
လိုအင်ဆန္ဒတွေပြည့်ဝတဲ့တနေ့ကျရင်
အမေ့ရင်ခွင်ဆီ သားအဦးဆုံးတိုးဝင်မှာပါ။
ဒီအချိန်မှာ အဝေးရောက်သားရဲ့မွေးမေမေ
နေကောင်းပါစေလို့သာ ….
ဘုရားစင်ရဲ့ရှေ့မှာသား
ဆုတောင်းလိုက်ပါတယ် အမေ။ ။
သာထွန်းမွန်
အရိုးပေါ်အရေတင် သေသပ်ဆံဖြူ
ရိုးရှင်းတဲ့ နှလုံးသားတွေနဲ့
အဝေးရောက်သားနဲ့ကျမ ပြန်လည်ကာ
ဆုံဆည်းချင်လှပါပြီးလို့….ဘုရားစင်ရဲ့ရှေ့
အမေ နေ့စဉ်ဆုတောင်းနေတာ
သားသိပါတယ်အမေ။
အမေ…ကျနော်ဟာ
အိမ်ပြန်ချိန်ကိုတောင် မသိသေးတဲ့
အဝေးရောက်သားမှမဖြစ်သေးတာ
အမေ့ရဲ့နှလုံးသားနဲ့ အနီးကပ်ဆုံးတနေရာမှာရှိနေခဲ့တဲ့
ခုလဲရှိနေဆဲ နောင်လဲရှိနေမယ့်
အမေ့ရဲ့ အဝေးရောက်သားဟာ
လိုအင်ဆန္ဒတွေပြည့်ဝတဲ့တနေ့ကျရင်
အမေ့ရင်ခွင်ဆီ သားအဦးဆုံးတိုးဝင်မှာပါ။
ဒီအချိန်မှာ အဝေးရောက်သားရဲ့မွေးမေမေ
နေကောင်းပါစေလို့သာ ….
ဘုရားစင်ရဲ့ရှေ့မှာသား
ဆုတောင်းလိုက်ပါတယ် အမေ။ ။
သာထွန်းမွန်
Wednesday, November 2, 2011
အိမ်ပြန်ချိန်(၂)
သူငယ်ချင်း ….
ရွက်ဝါတို့ကြွေကျပြီးတဲ့နောက်
ဆောင်းနှင်းပွင့်တို့ဝေလာပြီဆိုရင်
ငါ့ရင်ဘတ်ထဲကနှလုံးသားနှစ်မွှာကတော့
လွတ်မြောက်ရေး…လွတ်မြောက်ရေးလို့
ခုန်ခုန်လာတယ်။
သူငယ်ချင်း….
တချိန်က (၃၁) ဒီဇင်ဘာဆောင်းရက်တစ်ရက်ကို
မင်းမှတ်မိမှာပါ။
အထူးသဖြင့်…..နာဂ၀ံသချောင်းကလေးသိတယ်
မင်းရယ်ငါရယ် တို့တတွေဆုံဆည်းနေကျ
လိုင်ဘရီလေးသိတယ်
သုံးပင်လိမ်အောင်သပြေအ၀ိုင်းရှေ့က
ဟင်္သာမောင်နှံ အသိဆုံးပါပဲ။
ငါတို့တတွေအားလုံးရဲ့ ရင်ခုန်သံက
လွတ်မြောက်ရေး လွတ်မြောက်ရေးပဲ မဟုတ်ပါလား။
သူငယ်ချင်း….နှလုံးရဲ့တောင်းဆိုမှုကြောင့်
ငါ့ရင်ခုန်သံတွေ ကျယ်လောင်လာပြီ
လွတ်မြောက်ရေး လွတ်မြောက်ရေးတဲ့။
ဆောင်းရဲရင် နှင်းရဲရမယ်ဆိုပေမယ့်
ဆောင်းမှာဝေတဲ့ ဆောင်းနှင်းပန်းလေးတွေလို
အပူနဲ့တွေ့စဉ်ခဏအလွယ်တကူ
အရည်မပျော်ပါစေနဲ့ သူငယ်ချင်း။ ။
ရွက်ဝါတို့ကြွေကျပြီးတဲ့နောက်
ဆောင်းနှင်းပွင့်တို့ဝေလာပြီဆိုရင်
ငါ့ရင်ဘတ်ထဲကနှလုံးသားနှစ်မွှာကတော့
လွတ်မြောက်ရေး…လွတ်မြောက်ရေးလို့
ခုန်ခုန်လာတယ်။
သူငယ်ချင်း….
တချိန်က (၃၁) ဒီဇင်ဘာဆောင်းရက်တစ်ရက်ကို
မင်းမှတ်မိမှာပါ။
အထူးသဖြင့်…..နာဂ၀ံသချောင်းကလေးသိတယ်
မင်းရယ်ငါရယ် တို့တတွေဆုံဆည်းနေကျ
လိုင်ဘရီလေးသိတယ်
သုံးပင်လိမ်အောင်သပြေအ၀ိုင်းရှေ့က
ဟင်္သာမောင်နှံ အသိဆုံးပါပဲ။
ငါတို့တတွေအားလုံးရဲ့ ရင်ခုန်သံက
လွတ်မြောက်ရေး လွတ်မြောက်ရေးပဲ မဟုတ်ပါလား။
သူငယ်ချင်း….နှလုံးရဲ့တောင်းဆိုမှုကြောင့်
ငါ့ရင်ခုန်သံတွေ ကျယ်လောင်လာပြီ
လွတ်မြောက်ရေး လွတ်မြောက်ရေးတဲ့။
ဆောင်းရဲရင် နှင်းရဲရမယ်ဆိုပေမယ့်
ဆောင်းမှာဝေတဲ့ ဆောင်းနှင်းပန်းလေးတွေလို
အပူနဲ့တွေ့စဉ်ခဏအလွယ်တကူ
အရည်မပျော်ပါစေနဲ့ သူငယ်ချင်း။ ။
Subscribe to:
Posts (Atom)